Nardanha Udungha Andyitalpurha
THE CONGRESS SYMBOL
Ngalpurlaru churcha malkangha andyita alpila alpilanha nguthaminha.
Yurangha nguthaku kurukuku yadnaru malkanghatyu ngunindha arra wartaru warnghapingha.
Ngarldu mathanha yurangha munggu wirri andyianggu irrandha yura urnindhanhanghuni nitapandha.
Ngunindha abma abmaringhadindha warndu mita wiri ikandyu.
Cross utyu wirti valkapaninha nguthaangadna ngawarla wirtilpila nguni.
Arra yuawaninha wirti utyu, ngawarha wirti.
Wanghandha ngunindha ngawarla yanhaku arrawartanhanguni inhaaimbi.
Arlaalpi ngunininha idla nguthaanghadnai yarta uula uulanhangha ngarlapanha yura apinhangha
ngudlandi valandi, ngadandha congresimathanha.
Arlaapinghatyu ngunindha urrunha ikandha arrawartaruku.
Anhaadityu alkiindha uta yandya yandyapangharindha, tha uta virdni yarli yarli ngandhadni.
Congressimathanha yukidianggu Galiwin'Ku mathalu vunhaanggu yadnaru wirtiapinha, yudhutha.
Congress virringha, anha wirti valkapanha minha arrawartaru irraninha yadnanha mindamarrangha,
warndu ikandha arrawartaru.
Congress atyu Uniting Churcha mathanha adni.